【黃宗澤最後抛妻棄女，拍拖唔好將自己變地底泥】
喺《幕後玩家》裡面龔嘉欣真係好慘，本身係一個100分完美老婆，樣樣野就曬老公、唔理自己，最後落得被離婚既下場，以後要自己一個獨力湊住小朋友。當然黃宗澤毫無疑問係賤男啦，但係龔嘉欣其實都有責任對自己的好啲！成件事上面除左男方衰貪心咸濕，最大問題就係女方都唔珍惜自己。
冇錯，愛情上要事事考慮對方感受，但係你都要考慮埋自己感受架，唔係一味照住另一半咁做先係好。話明互相遷就先係維繫感情既方法，你樣樣就曬佢就唔叫互相遷就啦。
我舉一個例子出黎：戲裡面既黃宗澤已經好耐冇同老婆拍拖，難得有一次可以一齊睇戲，龔嘉欣就係咁叫黃宗澤返工做野。WTF？！！明明你內心好想同佢一齊，佢今次亦因為請左假而陪到你，你竟然一手推開自己老公？係呀，做野係重要不過唔係大曬，大部分時間都要獨自喺屋企過，加上對方個心淨係放喺工作上，你覺得咁樣係正常既婚姻咩？
你知唔知呢個道理都可以以返工黎比喻，部分打工仔選擇順曬老闆意，點知原來呢啲「順得人意」既打工仔，佢地人工比起其他人少兩成！！！原因係老闆認為你好抵得諗，就會係咁塞啲野你做。一個人做幾個人既野幾好呀，但係老闆內心會心存感激？Of course not，反而佢會繼續以呢個人工要求你做更多野。
要人珍惜你之前請珍惜自己，有咩感受應該講出黎同對方傾，而唔係收收埋埋唔開心，等到對方個心走到老遠嗰陣，先知道原來係自己放走左佢呀。
#呢個只係比喻黎
#黃宗澤其實一早唔中意龔嘉欣 #所以做咩都冇用
Search